Hefur sé Fífil sinn fegurri

Flutningar.

Fri, 08 Feb 2008 14:19:04 GMT

Búin að blogga á 123.is/ammajesu

Er að spekúlera í að flytja yfir. Blog.central er að stríða mér svo oft.

Endilega kikið og látið mig vita hvort ykkur finnst betra að lesa..á 123.is eða hér.

kv. Spíris

Nýr tele

Fri, 01 Feb 2008 14:39:14 GMT

Var að blæða í nýtt símkort...svona íslenskt þið skiljið, svona rétt á meðan maður er hérna í heimsóknum. Þannig að nú verður helginni eytt í að reyna að muna nýtt númer (not good)

8975789

*heyrumst*

Mararbára blá

Fri, 01 Feb 2008 08:04:52 GMT

Þá er maður mættur í sæluna. En SHIT hvað það er kalt. Það er frost á fróni frýs í æðum blóð, það er enginn efi um það.

Dagskráin var sett af stað með því sama í gær þegar við lentum í Hólminum...fórum í sund. aah..dejligt.

En ætlaði bara að láta vita að við erum mætt. Og að síminn minn er svo frábær að hann virkar ekki í "útlöndum". Einungis neyðarsímtöl leyfð, þannig að 112 verður besti vinur minn í fríinu.

Sjáumst.

:haha:

Helgi mánaðarins

Sun, 27 Jan 2008 19:17:30 GMT

Þá varð loksins að því að ég hafði mig í það að skrifa pínu.

Annars var seinasta helgi algjört æði. Beið spennt eftir Skrúnkunni minni ferðalang frá íslandi á fim.deginum, og svo þegar ég fékk loksins að sjá hana þá fékk ég nú ekki bara að sjá hana, og ekki heldur bara hann Pésa kærastann hennar, heldur fékk líka að sjá stórann pakka frá Bebbu minni dásamleguTæ.

Taddada daaa...

...TVÆR undurfagrar konur af íslensku kyni! Og ekki var það verra að ég þekkti þær!

Það var gleði. Ég verð núi bara að segja það.

Það var sjoppað og sjoppað og sjoppað í útlöndum, allt svo ódýrt...eða eitthvað þannig. Og þær létu sér nú ekki nægja að eyða sínum eigin peningum heldur þvinguðu, já þviiinguðu, þær mig til að taka þátt í þessum ólifnaði. Eins og mér finnst nú leiðinlegt að eyða peningum.

Svo var mál málanna að finna kærasta handa Kóngu. Ég var að sjálfsögðu ekki tilbúin komu þeirra þannig að ég var ekki búin að finna úrval, þannig að við þurftum að fara í snögga leit á helstu skemmtistaði bæjarins.

Byrjuðum á Waxies af því að þar voru svo margir strákar. Jú og góð tónlist. Svo "komið við" á Herr Bartels sem er aagalega góður kokteilbar. Sandra fann fyrir okkur ungann herramann (HELVÍTIS HANN OG HANS EITURDRYKKIR) sem kom með drykki á færibandi. Og þurfum við varla að fara nánar útí restina af kvöldinu. En þeir voru agalega góðir á bragðið.

En grófir punktar helgarinnar eru að..

Sumir:

Voru mjög óþekkir með vísakortið
komu með auka ferðatösku fyrir danskann varning
fóru skelþunnir niðrí bæ til að ná búðunum, versla meira
..eða allir, fóru á svaðalegt skrall
fóru fyrr heim en aðrir
voru lengur en aðrir
voru að kyssa stráka. Fjúúdd fjú.
reyndu að vera vinalegir og gáfu vinkonum sínum áður drukkna kokteila. ...og mataleifar.
...reyndu líka að vera vinalegir í leigubílnum
...og við jakkann sinn
...og klósettið
...og skúringarfötuna
létu sér nægja að vera vinalegir við klósett bæjarins.
tóku þetta almennilega kölluðu á Keikó til klukkan 23 kvöldið eftir.
voru agalega lasnir.
Sögðust aldrei ætla að drekka áfengi aftur
Sögðust ætla að hafa edrú þema á þorrablótinu
fóru saman edrú kvöldið/nóttina eftir, með lopahár, ljótuna og núll málningu á Burger King og náðu að heilla tvo danska herramenn. Mjög drukkna herramenn (en mér finnst það kannski ekki skipta mjög miklu máli í þessari sögu).
verða bara að fá franskar þó svo að klukkan sé tólf og allt lokað!
ákváðu að heilsa upp á maríönnu og grétar niðrí bæ á sunnudagskvöldinu
úbs, fengu sér óvart öl..
komu seint heim og áttu eftir að pakka öllu fyrir heimferð
áttu að vakna sneeemma morguninn eftir til að ná rútunni til kastrup
Gleymdu að taka út pening fyrir rútunni
Misstu næstum því af rútunni..

En iss þetta er nú gleymt nú þegar og nú er stefnan sett á dúndrandi fjör í Stykkis næstu helgi (var ég nokkuð búin að minnast á Þorrablótið áður?).

Kær kveðja, agalega góð kveðja, og TAKK fyrir pakkann Bebba! Vona að Kónga sjái sóma sinn í því að senda líka svona pakka til okkar Skrúnku fljótlega, og þá verðir þú í honum líka.

Japönsku tvíburasysturnar og systir þeirra, hin heilaga þrenning.

Amen.

Alltaf gaman 31.janúar þegar það er 2008

Fri, 25 Jan 2008 13:02:13 GMT

Ég er alveg að fara að blogga. Bara rétt bráðum.

Mig hlakkar til..

Thu, 10 Jan 2008 21:17:50 GMT

þann 31.janúar, og svo við tölum ekki um 2.febrúar.

Það verður gott að hitta familíuna og stelpurnar....aftur :)

Búin að fatta.

Sat, 05 Jan 2008 15:17:49 GMT

Ég er stundum spurð (eins og margir aðrir) hvort ég trúi á Guð.

Ég hef mikið verið að spá í þessu hvað sé eiginlega yfir okkur og hvernig þetta líf og þessi pláneta hafi orðið til og hvers vegna.

Hvers vegna erum við til, hvers vegna fæðumst við til að vinna fyrir launum okkar til að lifa af í umhverfinu, gera sjálfa okkur og aðra hamingjusama og búa til fleirri litla einstaklinga sem svo endurtaka sama leikinn?

En ég er búin að FATTA þetta:

Það eru tveir möguleikar:

----------

A. Það eru margir "Guðir", eins og ég hef ákveðið að kalla þá, í alheiminum. Þeir sitja á internetcafé í Sims og hver með sína pláhnetu eða sólkerfi. Okkar Guð er með okkar plánhnetu. Hann er ekkert svo góður í spilinu og nær ekki að láta þetta funkera. Hann hefur fengið sér of marga "spilakalla" og nú er ekki nægur matur fyrir alla. Hann tekur á það ráð að láta löndin berjast á móti hverju öðru til að halda mannkyninu í skefjum. Hann býr til góða og vonda kalla. Hann býr til náttúruhamfarir og trúarbrögð, stéttarskiptingu og mismunandi húðliti, til að flokka mannkynið og æsa það upp á móti hvoru öðru.

Guð er ekki vondur, hann er bara lélegur í Sims.

-----------

B. Það sitja nokkrir "Guðir" saman við borð, þeir eru að spila. Einn heitir Guð, annar Allah .o.s.frv.

Þeir elska að spila og eru miklir keppnismenn. Misjafnlega útsjónarsamir í spilinu og með mismunandi áherslur. Þeir eru saman með eina plánetu, byrja allir með jafn marga spilakalla og löndunum er skipt á milli þeirra. Þeir hafa hverjir sínar reglur fyrir sína menn ( trú ) og spila eftir þeim reglum. Þeir spila hart og vilja hið besta fyrir sitt fólk. Markmiðið er svo að vinna jarðir, byggingar, fólk og náttúruauðlindir og og á endanum þannig vinna spilið, vera yfirráðandi yfir Jörðinni. Í hita leiksins berjast þeir hart með sína menn, berjast til að vinna.

-----------

Shit ég er góð í að hafa fattað þetta!

2007 bang bang bing %#!

Mon, 31 Dec 2007 19:55:10 GMT

Bara láta vita að síminn minn er óvirkur og hefur verið í nokkra daga (var að skipta um selskap og ekki búin að fá nýja SIM kortið ) , þannig að það er ekki vegna þess að ég er ókurteis sem ég móttek ekki skilaboð frá ykkur eða óska ykkur ekki gleðilegs nýs árs og þakka fyrir það gamla, heldur vegna þess að ég er símalaus.

Boring.

En því vil ég endilega óska öllum vinum, kunningjum, fjölskyldumeðlimum, ættmennum og öðru agalega góðu fólki gleðilegs nýs árs og þakka kærlega fyrir það liðna.

p.s. annars er hægt að senda mér gleðilegtnýttár-sms í símann hans Bledi s: 0045-22990332

:haha:

Hlakka til að hitta sem flesta á nýja árinu. Á ÞORRABLÓTI!

24.desember,2007

Mon, 24 Dec 2007 11:20:24 GMT

Gleðileg jól allir saman og takk fyrir liðna árið, sem ég by the way eyddi því miður samasem ekkert með neinum ykkar.

Mig langar að þakka kærlega fyrir jólakortin sem ég fékk, og langar í leiðinni að afsaka mig fyrir að hafa ekki sent nein jólakort....þó svo að ég hafi keypt þau í nóvember. Þetta er bara búið að vera eitthvað skrítið, finnst að ég eigi að vera á íslandi ef ég á að skrifa jólakort.

Annars erum við búin að skreyta risastóra jólatréið og raða pökkunum undir, erum með íslenskar jólaseríur (takk mamma), jólastjörnu, heimaskreyttar jólastyttur, sjúklega gott Nóa konfekt (takk pabbi), jóladúk, jólaljós, kertaljós, Malt og appelsín (takk Skrúnka mín), aaalíslenskt hangikjöt (takk mamma) og íslenskar sósur (takk Dóra amma).

Þannig að þetta getur nú varla verið betra hérna hjá okkur.

Vona að allir eigi yndisleg jól og hlakka mikið til að hitta vonandi sem flesta í febrúar.

kærar kveðjur, Íris og auðvitað Símon Darri.

Nú eru greinilega jólin

Sat, 22 Dec 2007 19:19:34 GMT

Jæja þá er maður víst búinn í dekrinu í skólanum og við tekur púl og strit í vinnunni, að stilla helv. vekjaraklukkuna aftur á 5:40 og fara að sofa fyrir klukkan tíu á kvöldin. Shit ég er bara hreinlega ekki að nenna því, ef ég á að vera alveg hreinskilin.

Annars gekk mjög vel í skólanum. Eða eiginlega veeeery vel.

:haha:

Einkunnarskalinn hérna úti er 12 - 10 - 7 - 4 og niður í mínus3 (don´t ask) Bara spes þessi einkunnarskali.

En ég fékk svo þessar einkunnir..

Maleteknik 10 Stil,form og farve 12 Farvelære 12 Opmåling 12 Materialelære 12 Materialeforståelse 10 Arbejdsmiljø 10 Arbejdsmarkedforhold/kundebetjening 10 Tegning 12 Valgfag 12

Skilst svei mér þá, ja hérna hér, að ég hafi verið með hæðsta meðaltal í bekknum og kennarinn vildi fá að halda eftir einu verkefninu mínu til að sýna komandi nemendum hvað hægt væri að gera með málningu. Róleg vinkona.

Já bráðnauðsynlegt að minna fólk á hversu ótrúlega vel gefinn og handlaginn ég er, en svo er ég líka einstaklega falleg. Myndi láta mynd af andlitinu af mér fylgja hérna ef ég bara nennti því.

Kveðja...fröken best í heimi.

Prinsessan á heimilinu

Sat, 08 Dec 2007 12:14:17 GMT

Bella Bella Bella..

..sem þýðir að sjálfsögðu "smukke" á minni útlensku.

Hún lofar mjög góðu, er dugleg, róleg, blíð og eltir okkur útum allt.

Það er hægt að vera með hávaða, hoppa við hliðiná beddanum hennar, lyfta löppunum og sleppa og færa hana til án þess að hún vakni upp við það..hún bara heldur áfram að sofa, telur sig greinilega vera svaakalega örugga hérna hjá okkur og nýtur sín í botn.

Svo þegar hún er vakandi þá vill hún leika og láta klappa sér án pásu, takk fyrir.

Líkist mér..

En erum við ekki að grínast hvað mér finnst gaman að vera komin með hund, ég gjörsamlega dýrka hana (en þá tölum við ekki um piss og kúk útum allt gólf) hún minnir mig endalaust á Spora gamla heitinn. Hann var pjúra gullmoli!

jólabarnið

Fri, 07 Dec 2007 08:33:10 GMT

Það leynist ein mynd af nýju prinsessunni í slideshowinu á myspace-inu mínu fyrir ykkur stelpur mínar.

músí músí músímús.

Mynd af stelpunni hennar mummu sín.

já.

:haha:

http://profile.myspace.com/index.cfm?fuseaction=user.viewprofile&friendid=92590124

Hvar er Íris?

Mon, 03 Dec 2007 19:43:58 GMT

Sé að það er einhverjum sem vantar að fá að vita heimilisfangið okkar Símonar

Og hér kemur það:

Vestermøllevej 8a, 8380 Trige, Danmark

Rosalega gaman að vita að ótrúlegasta fólk kíkir hingað á bloggið og skrifar í gestabókina/komment

(Til Ingibjargar) ..við stefnum á að prufa Dönsk jól þetta árið, Símon notar stærð 134 og verður örugglega rosalega glaður að fá sendingu frá ykkur föðurfjölskyldunni á Íslandi. Ég hef ekki heimilisfangið ykkar eða símanúmer þannig að ég verð bara að setja upplýsingarnar hingað á bloggið...og vona að þú kíkir hingað inn aftur til að lesa svarið.

Skildu endilega eftir komment ef þú hefur séð þetta.

En fréttir fréttir. Ég hef fullt af fréttum...þó aðallega tvær.

Fjölskyldan var að stækka. Og þá ekki bara í centimetrum, heldur í fjölda einstaklinga. Ég var ekki ólétt í leyni, og heldur ekki hann Bledi, Heldur vorum við að fá agalega sætann hvolp á heimilið, ljósann Labrador/Golden retriver konuhvolp sem hefur verið skírður af séra Símoni og fengið nafnið Bella.

Hún er algjör gullmoli, og mér líður eins og ég sé móðir í annað sinn. Bara aðeins meiri kúkur á gólfinu heldur en eftir seinasta barn.

Frétt númer tvö er nú heldur ekki af verri endanum..

En við mæðginin fengum heimboð í lok janúar! jibbí. Pabbi var svo ótrúlega góður að bjóða okkur í ferðalag til Íslands á Þorrablót. Betri gjöf væri svo sannarlega ekki hægt að gefa okkur (þó aðallega mér held ég..) þessa dagana, enda mikill söknuður hvað varðar aðal-vini og fjölskyldu. Ég loove aðal-vini og fjölskyldu, og skil ekkert í þeim að fara ekki meira í ferðalög til Århus til að leika við mig.

Það verður semsagt skotist landshornanna á milli eins og vanalega svo við Lemmi getum hitt alla familíuna, og svo notið þess að tjútta með kökuspaðann á Þorrablóti með stelpunum og syngja kvartett inní bíl í hléinu. Hold da op, það verður stuð.

Ég mæli með því að allir flytji til Stykkishólms, það myndi gera Íslandsferðirnar mínar svo miklu einfaldari.

En nóg komið að skriffinsku þetta skiptið. Væntanlegar myndir af nýja barninu á heimilinu.

Og að lokum langar mig að þakka rosalega vel fyrir allar afmæliskveðjurnar, hvort sem þær voru símleiðis, póst-leiðis, blogg-leiðis, myspace-leiðis eða face to face-leiðis. Ég var agalega glöð með daginn.

Íris..sem fer til íslands á næsta ári

puhaaa langt síðan seinast

Mon, 26 Nov 2007 21:32:07 GMT

Bledi er fluttur...

Reyndar svoldið langt síðan. Þessi ungi gullni hárprúði herramaður varð næstum til hjónaskilnaðar. En hann stendur ennþá fastur í hillunni inní stofu en ekki inní geymslu..því miður.

En annars gengur bara fínt og margt búið að breytast í íbúðinni. Og allt til batnaðar svei mér þá.

Ég tók mig til og málaði stofuna.

Á meðan Bledi setti upp ljós í íbúðina (..ljós,about time kannski?) p.s. sjá machintosh dós..mmm,love it

Og fatahengi..þvílíkur munur að hafa karlmann á heimilinu.

Og loksins get ég boðið dömunum í heimsókn, kominn standandi spegill, haldiði að það sé nú! Love it. Næstum því jafn mikið og machintosh dolluna.

Ég býst við því að núna sé möguleiki á að maður fari jafnvel að klæða sig sómasamlega þar sem ég get nú fengið yfirsýn yfir hvað ég er að klæða mig í. já. Það er gott.

Nú er Símon sykurpúði farinn að labba reglulega einn í skólann, en það var stórt skref fyrir bæiði móður og barn.

Við erum agalega stolt af þessum framförum.

Svo var skellt sér í að skreita piparkökur með Aniku skvísu. Reyndar borðuðu þau nánast allar pikarkökurnar strax þannig að ég náði ekki að taka mynd af afrakstrinum..

En þau skemmta sér voða vel saman. Þau eru alltaf saman í ræktinni á meðan við Árný skoðum sætu strákana í salnum.

Ég skellti mér til Horsens með bekknum og tók þar að mér að úrbeina smá

..og fórum nokkur á café og fengum okkur ein öl fyrir heimferð. Mjög fínn bekkur sem ég er í, allir rosa fínir.

Bledi kom í gær heim frá Þýskalandi.

Hólí makkarólí.

En þar er hægt að kaupa ódýrt nammi, gos og bjór. ..og machintosh.

Ég er hætt að fara út á lífið. Keypti mér besta vin um daginn og hef eytt mörgum dýrmætum stundum yfir honum. Föstudögum...Laugardögum...Sunnudögum og virkum dögum.Við Púsli erum "like this", gleymum okkur saman.

Svo kemur Lemmi stundum inn í spilið og gerir kraftaverk. Við höfum fengið þennann sjúkleika frá henni Dóru ömmu, en það var hún sem kom mér á bragðið þegar ég var ung...ég ég ber sjúkleikann áfram til næstu kynslóðar.

..já þegar ég var ung. Það voru tímar.

Kv. púsli

Amælisbarn dagsins :)

Tue, 20 Nov 2007 15:27:13 GMT

Berglind Arna Gestsdóttir!

Til lukku til lukku til lukku. Miss you longtime.